O Ganapán (Espazo GASTRO): Maruxas de nata

Espazo GASTRO

As receitas da avoa nunca pasan de moda! Estas galletas doces de sabor intenso sempre nos devolven á nenez. Como no Ganapán somos fans das sobremesas caseiras, estamos seguras de que estas galletas se converterán na vosa receita favorita.

Para nenos e nenas de 4 a 10 anos. Reserva a túa praza en oganapan@gmail.com

NORMAS DE INSCRICIÓN

Sabemos que todas e cada unha das crianzas de Pontevedra fan parte do Ganapán!
É por iso que debido ás restricións por mor da COVID-19, o Concello de Pontevedra establece as seguintes pautas de inscrición:

1. Darase prioridade aos nenos e nenas que NON tiveran participado en ningún obradoiro nas últimas dúas semanas.
2. As prazas restantes encheranse por estrita orde de chegada da solicitude de inscrición e en función da última vez que tiveran participado no Ganapán.
3. Aquelas persoas que se inscribiran e non acudiran ao obradoiro solicitado (e non avisaran da súa ausencia) deberan agardar un mes para poder realizar unha nova inscrición.
4. As persoas solicitantes que finalmente entren no obradoiro terán a notificación por correo-e como máximo o día anterior á realización da actividade.