Invitados/as
-
ACEGA
-
ACEGA, Asociación de celíacos de Galicia.Asociación de celíacos de Galicia
A Asociación de Celíacos de Galicia (ACEGA), é unha entidade de carácter privado, sen ánimo de lucro, creada en 1998, cuxo obxectivo fundamental é axudar a todas as persoas afectadas pola Enfermidade Celíaca e Dermatite Herpetiforme.
Agrupa con carácter voluntario a celíacos/ as, pais/titores de nenos/as celíacos/ as e a todos aqueles enfermos cuxo tratamento esixa manter unha dieta sen glute, a fin de tratar as solucións máis idóneas aos problemas de tipo social, psicolóxico e técnico que poden presentarse como consecuencia da súa condición.
A nosa Asociación pertence á Federación de Asociacións de celíacos de España ( FACE) quen ten por obxecto axuntar o esforzo e coordinar o traballo realizado polas asociacións/federacións de celíacos membro para mellorar a calidade de vida das persoas celíacas e conseguir a súa integración social.
Desde ACEGA ofrecemos varios servizos tanto aos nosos socios como á sociedade en xeral.
Formación para a correcta elaboración dun menú sen glute
*Actividade dirixida a profesionais da hostalaría e restauración.
A Asociación de Celíacos de Galicia (ACEGA) imparte unha charla formativa dirixida a profesionais, coa que se quere dar a coñecer os fundamentos dun correcto menú sen glute. O colectivo ofrece este tipo de actividade, encadrada dentro do seu Proxecto Galicia Sen Glute, dirixido ao sector da hostalaría e restauración, que busca que estes establecementos poidan ofrecer un menú sen glute con todas as garantías.
Entre os aspectos que se van tratar está a formación específica para persoal de cociña-inspección de cociñas e o asesoramemto de menús sen glute.
Imparte: Nuria Colmenero Lama, do departamento de Restauración e Seguridade Alimentaria da Asociación de Celíacos de Galicia.
Imaxe da cabeceira cedida por Tapería Alium.
INFORMACIÓN SOBRE AS INSCRICIÓNS:
Actividade está dirixida a profesionais da hostalaría e restauración. É de balde pero precisa de inscrición previa en actividadesomercado@gmail.com enviando os seguintes datos:
- Nome e apelidos
- DNI
- Teléfono
- Nome do establecemento de hostalaría ou restauración
- Localidade onde se atopa o establecemento