Copia de O Ganapán (espazo GASTRO). Filloas
Espazo GASTRO
En plena tempada de sobremesas tradicionais de Entroido, non podían faltar as nosas deliciosas filloas.
Unha receita doce que admite moitos recheos, tantos que aínda non sabemos cal elixir. Do que si estamos seguras é de que non van durar moito no prato!
Lembra traer a túa friameira para levar o que cociñes!
Para nenos e nenas de 4 a 10 anos.
Reserva a túa praza en oganapan@gmail.com enviando a seguinte información:
- Nome da actividade e en que espazo se desenvolve (CREA ou GASTRO)
- Nome e apelidos do neno ou nena
- Idade
- Nome da persoa adulta que achega ó/a menor á actividade
- Teléfono de contacto
- Observacións (onde debes indicar se a persoa anotada ten algunha alerxia, e se nos das consentimento para tirar imaxes onde saia o menor).
NORMAS DE INSCRICIÓN
Sabemos que todas e cada unha das crianzas de Pontevedra fan parte do Ganapán!
É por iso que debido ás restricións por mor da COVID-19, o Concello de Pontevedra establece as seguintes pautas de inscrición:
1_ Darase prioridade aos nenos e nenas que NON tiveran participado en ningún obradoiro nas últimas dúas semanas.
2_ As prazas restantes encheranse por estrita orde de chegada da solicitude de inscrición e en función da última vez que tiveran participado no Ganapán.
3_ Aquelas persoas que se inscribiran e non acudiran ao obradoiro solicitado (e non avisaran da súa ausencia) deberan agardar un mes para poder realizar unha nova inscrición.
4_ As persoas solicitantes que finalmente entren no obradoiro terán a notificación por correo-e como máximo o día anterior á realización da actividade.